很失望, 咁大個集團使唔使到咁cheap!

因為附近返工關係, 因為落雨中午去咗呢度飲茶, 見到特價點心寫住每碟9.8, 而其他大中小點都係寫.十幾個八, ($xx.8), 點知埋單睇番張單, 全部變晒整數, 我突然覺得點解咁大間茶樓, 話晒都係皇上皇集團, 都攪到好似女人街賣衫咁….真係離晒譜, 人地都找番一毫字, 我都見過有d食肆會收齊頭, 但係都會係收銀寫咗, 呢度係冇任何告示寫會四捨五入!



於是我地同埋單嘅服務員講, 點解會收十蚊, 佢面有難色, 之後就話揾營業經理同我地解釋, 點知番嚟又係佢, 就話係系統嘅問題, 咁我地話連加一都roundup 咗, 咁加加埋埋咪收多咗囉, 咁佢即刻發晦氣話系統佢得改, 我自己攞荷包d錢俾番我地, 我地即刻話唔係錢嘅問題, 係佢地根本冇任何地方話俾食家聽佢會咁收錢法, 我知佢難做, 都係公司政策, 咁咪叫經理嚟。


經理嚟到就解釋話係系統新整, 只係識得計整數, 都係用咗兩三日, 我地仲係第一個人投訴。但明明我上個星期三去過, 都係咁收費法, 好明顯講大話, 不過我地都會出聲說穿佢。佢最後就話單冇得改, 俾番現金兩蚊我地。

其實真係唔係計錢, 我地最覺得佢起碼要有告示寫清楚, 咁樣做生意點得呀!  你話我惡都好啦, 我咁做都係想佢地改善下!