今次人比較少, 開頭我仲諗緊行唔行, 最後都係去咗, 支持下攪手。我地一行九男女, 今次都係行西貢, 其實我都唔係好知條路綫, 只係知行大浪灣, 條路會比上一次易。
結果我行咗好耐馬路, 先去番第一次行山嘅起點........心諗唔係嘛....我都有啲攰啦!
不過之後嘅路又唔算難行, 好彩又唔曬, 所以都算行後舒服, 大家傾下講下, 又俾人昆下, 咁到兩點幾先有得吃。
我地去咗鹹田村嘅海風士多, 攪手推介咗炸燒賣同椒鹽魷魚都好好味, 仲有餐蛋出前一丁, 真係未食晒我自己帶嘅三文治都要叫呢!食飽後, 又繼續行過........
臨尾行到唔知邊度, 攪手話有得坐大飛去黃石碼頭搭巴士, 又或者行九個字去另一度搭巴士, 結果我們選擇了行......原來都有d斜喎, 所以一條氣行行行.....點知原來其他人喺後面未到.....有同事唔舒服呢!
雖然我冇在場睇案發經過, 但係真係好彩冇事。
最後我地出番西貢食飯, 然後我地就陪同事睇醫生以確保身體冇事。
今次都算係特別嘅經驗嘞!
No comments:
Post a Comment