估唔到, 大熱天時連續打咗兩日邊爐。星期四, farewell同事, 其實之前都講過話同佢地去打邊爐吹下水。點知都未約到, 佢話咁快就話走, 所以呢個打邊爐就變成farewell餐, 去咗銅鑼灣謙記。呢度唔係任點任食, 價錢相對貴, 不過都唔錯, 先有幾種調味俾你混醬, 然後最後叫嘅稻庭烏冬, 加咗落去個番茄牛腩湯底, 索咗d味入去真係一流。
希望marvin真係揾到好環境, 第日繼續揾我地飲飲食食啦! 你知依家 香港office都唔會請人填補空缺,真係買少見少。
星期六, 又係打邊爐, 今次係慶祝「和弦」八月之星生日。去咗牛皇星, 老實講, D service 同環境就差少少, 最初我坐喺度等位未叫嘢食, d伙計會黑面。我地又冇叫刺身船, 好彩都最後佢幫我地攞蛋糕出嚟都有講笑。但係呢度嘅牛肉又真係好好味, 有少少酥, 但係碌完唔好縮。牛柳粒又好冧, 好好味!
我發覺舖頭都有唔少人, 香港人真係好鍾意打邊爐呢!
No comments:
Post a Comment