小學老師袁先生(小學時代嘅叫法) 話: 「你結婚時叫晒所有同學仔...」
佢生日快要到時, 我就諗...等我結婚都唔知等幾耐, 不如就依家。咁啱另一個失散咗嘅同學打俾我話想叫埋其他同學仔慶祝, 於是就有咗呢個生日會...
之前我就約咗袁生呢晚食飯, 點知佢問我唱唔唱k, 我話唱, 佢就話MegaBox幾好, 嘩, 我都未去過, 不過應該唔錯, 起碼佢可以免費泊車, 唔使趕住走...
跟住我就send email俾玩開嘅幾個, 當係剩係約佢地食飯, 然後就用facebook 約其他人, facebook真偉大!
雖然好多人未必星期五晚得閒, 不過呢, 都有十幾人。真係多謝支持!
最好笑嘅係到咗呢晚, 咁啱我地圍內幾個到先, Neway俾咗間海景Party房俾我地, 袁生同佢個friend仲以為真係咁少人, 問我點book呢間咁大嘅房, 我唯有吹話我唔知, 同佢地講幫人慶祝生日, 就俾呢間我, 但係佢地又發現俾咗好多果盤, 咁我又話出去問下d人, 叫佢地收番。
袁生仲好婉惜咁同我講, 咁大間房, 最衰咁少人, 好似好冷清咁。
之後到benny出場, 佢一入嚟, 就話咁大間房, 袁生就話係囉, 應該每人帶多一個嚟, 於是benny就即刻出去, 拖咗兩個小學同學入嚟, 袁生又驚又喜!
之後大家都好開心, 影咗好多相!
見番今多好耐冇見嘅同學, 真係發夢都冇諗過! 真係好開心! 見到大家有唔同嘅發展, 真係好神奇呢!
攪得成功! 大家開心, 喺呢段忙碌又心煩嘅時間, 不枉我花咗少少心思去攪呢!
2 comments:
thank you very much lei!
haha
Bong
To Bruce,
多謝支持!
Post a Comment