上次因為天雨關係去唔成的澳門之行, 終於這星期去咗....估唔到係一個又食又拎的TRIP...
一上船, 阿媽就話何生送义飯, 由碼頭坐佢地架車, 每人就免費一碗义飯, 真係唔使坐的士之餘, 又可以填飽個肚, 而且得坐同埋茶呢! 仲有$20泥碼, 可以入去賭場賭, $20只可以夠買大細點數, 我就冇家姐咁好彩, 一攞個籌碼就中咗, 真係又食又拎!
之後就見識過新開的永利賭場, 見到紅色水晶燈, 其實我覺得金莎大D, 因樓底高D, 不過又飲咗杯免費橙汁。
去澳門, 就梗係食, 不過探公公婆婆都好緊要, 所以陪完佢地食飯, 仲有宵夜, 去咗氹仔橋頭的峰景餐廳食蟹粥同埋鱔, 真係好好味呢!
坐車去氹仔時, 同場加映就係睇煙花, 適逢煙花比賽, 每星期六都會九點同十點都放十分鐘煙花, 咁我地咁啱係橋度, 咪好近好靚囉!
第二日, 又好好彩, 諗住去食葡撻, 準備買時, 見到隔離一男一女竟然食住PIZZA, 仲有成盆葡撻未食, 好驚訝佢地點食得晒, 點知佢地就話食唔晒, 俾咗D葡撻我地, 嘩, 真係好彩。
各位如果想去澳門的朋友, 記住去食义燒飯啦!
No comments:
Post a Comment