睇拍戲

大家姐終於好d出咗院lu! 好彩好彩!

今日返咗科大讀書...可以專心d..有d讀U時的感覺......不過由於我太懶惰的緣故....我諗我今次考試都係有d放棄咗....唔緊要啦......除咗錢...都冇咩損失呢!

夜晚放棄咗睇曼聯對阿仙奴足總杯. 去同朋友飲嘢....喺尖沙咀行行下,見到吳彥祖同楊千嬅拍緊爾冬昇喺婚紗舖門口拍戲.....吳彥祖真係好靚仔呀!不過因為成日都有人叫"唔好開閃光燈"、"行快d啦"。

我覺得我都應該可以去做下臨記! 我d戲都唔錯呀! 所謂人生如戲...我諗我都做咗咁多年戲....
尤其是以前看過村上春樹一本書裡面寫:
"Pretend you are happy when you are blue. It isn't very hard to do."
以前我都覺得幾啱.....起碼喺人面前我都好似成日好開心咁....
不過我都冇做戲好耐....因為好假....而且我真係開心咗....都唔使扮..

如果俾我選, 我下一部戲想做....做返一個女仔....想有多d女人味...想扮靚....想識煮飯...
因為以前太男仔啦!