慰勞宴

今晚Teresa請食飯, 係答謝我地為之前做咗CAS辛苦工作,順便當Farewell Kimmy。

我們相議好幾間日本餐廳, 最後選咗尖沙咀魚一丁。

好耐未去過魚一丁, 但結果同以前一樣, 服務態度認真麻麻。
不過成晚又真係好好笑。

事件一: 的士司機亂兜路
我book咗七點三六位, 搭的士過去, 點知行咗一陣, 的士司機大嗌行錯路, 我地都唔知佢係有意定有意, 總之最後佢只係找多兩蚊俾我地, 但我地就遲咗, 要再等一陣至有位。

事件二: 七人枱?六人枱?
我book 咗六位, 佢帶我地去到海景位, 嘩, 正當我覺得幾好時, 同佢講話我地要加一位, 佢話要我地換枱, 坐番入面, 我地話加個主席位, 佢話我地阻住條路, (其實條路好濶) 又話我地book咗六位, 咁擾攘咗一輪, 先俾我地加位。

事件三：火熖邊爐?
我地叫咗一個海鮮鍋，點知原來就係咁嘅size　（見圖）, 都唔緊要，點知點點下張紙著火（見圖：本來銀紙下面仲有張牛油紙），我地叫侍應，佢話係要好似打邊爐，我地ｄ嘢未熟，唔好熄火住，但我地話頭先著火，咁佢又話唔會，此時，Teresa突然大叫「我知」，仲以為佢有咩重大發現，佢就話「係一個錯誤」，跟住就見侍應即刻拎走成個鍋，話唔應該有張白紙，換過個俾我地，不過小Ken Ken已經食咗件半生熟三文魚。

事件四：新鮮相撲鍋
我地叫咗個大ｄ嘅火鍋名叫相樸鍋，點知佢話要等半個鐘，Teresa話係咪要去買料，佢就扮聽唔到，於是等咗好耐，先至有一鍋未煮過嘅鍋。好彩我地有阿峰做話題，哈哈。

事件五：相機識認人?
食完叫侍應幫我地拍照留念，點知相機冇電，佢地一影就熄，我地自己影又冇事，而最奇係，我地食完行出去影燈飾時，見到個好Pro嘅攝影師，叫佢幫我地影，佢連影兩張都冇事。而且佢真係非常專業，角度攞得非常好。

雖然好似service唔係咁好，但係一丁拉麫依然好好食，而且埋單價錢都算幾平，平均一百蚊位，咁都okay啦，最緊要有人請，多謝Teresa!

我要去旅行

想一想, 自從上年四月去沙巴之後, 我都未去過旅行了, 也即是說, 我返了這份工以後, 我都未去過旅行。

所以我真的很渴望去呢! 本來打算十一月同媽媽去的, 怎料又趕不及, 剛巧我的莊友有假, 所以希望可以十二月來一次短線團啦!

今日我們去了旅行社拿資料, 我們的心水地點是泰國, 去布吉好呀, 可以有陽光與海灘, 但去曼谷也不錯, 可以便宜點, 吃喝玩樂, 再做Spa….

所以結果, 還是日子、地點都未有決定, 但應該三人成團, 哈哈!

大家如果有任何意見, 又或者想一齊去玩, 請告訴小妹啦!謝謝!

Ada 大日子

今日過了一個很開心難忘的日子, 是Ada的大日子。當中發生了不少趣事。

一大清早, 打算搭的士去她家, 怎料被的士司拒載, 他說過海會塞車, 乘地鐵較好, 於是著到靚靚的去迫地鐵, 最後要遲到呢!

之後展開了攪笑的接新娘遊戲, 我們玩了用腳夾麻雀, 甜酸苦辣版掌上壓和愛的宣言。

而中午飯後, 竟然食到遲了, 雖然星光行到文化中心只是一條馬路, 但還是第一次見新郎新娘要急步去註冊, 新娘穿著五吋高跟鞋, 還走得快過我, 厲害厲害!

註冊後, 竟然有拋花球環節, 又不好意思不出,我當然是縮在後面, 最後是由Christy接到, 不過我們沒有人接, 而她只是因為不想花球跌落地而接了。

到了夜晚, 新郎的深情對白部分, 也使我非常感動, 而從來不唱歌的新郎, 為了表示誠意, 清唱了兩句, 還有99支玫瑰, 場面感人, 我看得出Ada聽完後, 發至內心地攬住新郎。而高潮位, 竟然發現了其中一個兄弟感動到流淚不止呢! 真是笑到肚痛。

而我最開心的是, Ada和Nicky真的能夠有一個難忘的晚上, 而我亦有機會分享這份喜悅呢!

P.S. 附圖為Wincy親手造給他們的結婚公仔

女人心事2

明天是Ada的大日子, 我今晚準備明晚節目, 去了旺角大眾書局買文具, 剛巧看到如果買滿$120可以用$33換購「女人心事2」CD一張, 只限本店, 於是我換了。總共兩集碟共34首歌, 有舊歌和新歌,有很多我喜愛的歌曲, 例如: 最佳位置、很愛很愛你、雨季不再來、心動、你要的愛、如果你佑我苦衷、也許當時年紀少、告訴我 、誰是我的………

以特價去買了這張唱片, 特別高興呢!

還有喜歡封套這一句..
「要勇敢去愛........勇敢去承受結果.....」

三聖村食海鮮

今日做到5點幾, 我就趕入去屯門, 因為我嘅舊同事Na姐生日。原來我好耐冇入過屯門, 出咗西鐡我就覺得好迷惘, 點解有個屯門時代廣場?屯門市中心同屯門市廣場又有冇分別呢? 終於揾到集合點, 但又揾間餅店攪咗一輪, 最後我地搭的士入去三聖村南記食海鮮。

佢地出去揀咗聖子啦、瀨尿蝦、螺、扇貝、鮑魚、蠔餅等等…….都係食咗千四蚊, 同行有八個人, 都Okay啦, 有個海鮮湯送呢! 好味好味!

見番d舊同事, 見到細我一年嘅Silvana都已經升咗做Manager, 聽日去泰國Training, 為佢開心之餘, 又有點感慨時光飛逝呢!!! 不過, 我認為唔….我冇選擇錯呢! 如果唔係就好似Anita咁話, 唔係剩係佢嚟唔到, 係我同佢一齊話嚟唔到呢!

「剩女」

「剩女」,內地網上新近流行語,指的是28至35歲的女性,她們的容貌娟好,屬高薪一族,多有大學或以上學歷,經常出現在各種高級酒吧及會所,追求者無數,卻因對另一半要求高,導致遲遲未能結婚。「剩女」數量之众,已成為內地令人關注的社會現象。

這是我今早看「都市日報」的一篇報導…..很有趣….
「剩女」這個名稱真奇怪…

老實說, 做我這一行, 我很早已發覺有這奇怪的現象, 心想, 為什麼很多同事都未有男朋友? 明明樣貌不差, 心地善良, 只是工作忙了點, 大概是因為「心頭高」吧!

但是香港好男子又真的是買少見少….
只怪現今社會的女子太過獨立….

我以前也很想變成女強人, 不靠男人, 不結婚….即是做「剩女」?
後來在EY遇到未結婚的阿姐, 於是明白我不想變她那樣…

有另一半的人生才比較健康、平衡吧!

所以即使離開了我都堅決不回去做。

可是隨便選一個男朋友, 又或者硬與一個不適合的人在一起, 倒不如一個人。
其實單身有單身的好處….緣份未到的朋友, 可不享受一下單身的樂趣?