妙問妙答 ~ 真人真事篇

某同事去睇醫生, 佢同醫生講:「醫生，我最近成日覺得好眼瞓，好攰，坐喺度會中眼瞓，點解會咁嘅?」

你估下醫生會點答?










醫生：「咁啱嘅, 我都係咁喎!」

同事：「．．．．．」

=======================================================

某男性朋友喺情人節收到花店電話,
店員問:「今年訂唔訂花?」
朋友答：「今年情人節喺星期六，都唔知送去邊，唔訂啦！」
店員又話：「你今年唔訂，出年都冇得訂．．．」
朋友問：「點解?」（心諗唔通你執咗笠？）
店員答：「出年情人節係年初一呀！」
朋友晃然大悟．．．
店員又講：「其實你可以星期五送嘛!」
朋友答：「唔．．星期五又好似唔知點咁，送去公司又好似做俾人睇．．．．」

店員回應：「咁你星期六唔送都係咁嘅原因啫...」

朋友：「．．．．．」