GAME PARTY

雖然已離開舊公司, 但多謝Willis冇忘記我, 邀請今日去佢屋企玩。

我地大約有八人, 中午時分, 佢地先去Pizza Hut買外賣, 再加上佢媽媽整嘅沙律, 大吃一頓後, 就開始玩遊戲。

Willis很有心, 為今日嘅活動做足準備功夫, 紙杯都預先寫好我地個名。更意外嘅莫過於玩切麫粉呢個環節, 真係未試過玩, 有諗過會玩, 但又好好玩。

之後我地又玩咗Pictionary, 就係睇題目畫畫俾人睇鬥快估答案嘅遊戲, 我地畫咗d超低能嘅, 但有d又咁都估到, 真係超攪笑。

跟住我地就玩咗Derek帶來嘅Card Game, 並唔係平時玩具反斗城可以見到嗰d, 而係外國嗰d。

我地就玩咗呢個有關挪亞方舟嘅Card Game, 雖然重新學過dRule年紀大有d難, 不過公仔好得意, 都幾好玩。
http://www.boardgamegeek.com/game/19947

最後我仲玩咗UNO層層叠, 冇諗過我地可以叠到咁高。

老實講, 好耐都冇玩過呢dGame, 要約大家都好似有d難。